José Luís Zabala Acha

Donostian 1908an jaioa eta bertako bizilaguna, Tiburcio Zabala eta Benita Acharen semea zen.
Merkataritza-irakaslea zen lanbidez.

Idealista zen pentsamenduz, sozialista. 1934ko urriko iraultzaren harira atxilotu eta espetxeratu egin zuten, lanpostua galtzeaz gain. Gerra hasi zenean, bankuan zeuden 18.925.637,29 pezeta ateratzen lagundu zuen, Bilbora eramateko.

Donostiatik Bilbora ihes egin zuen eta bertan Rusia batailoian sartu zen Errepublikaren alde armak hartuz.

Santanderren atxilotu zuten. Gerra-kontseiluan epaitua matxinada militarra egotzita, 1938ko uztailaren 29an 30 urteko espetxe zigorra ezarri zioten. Gerora, 20 urtetako espetxealdiagatik kommutatu zioten zigorra. Donostiako Espetxe Probintzialean (Ondarreta), Burgoseko Espetxe Zentralean eta bertako Espetxe Probintzialean bete zuen kondena.
1943ko apirilaren 2an irten zen espetxetik.

Testigantzarik edo dokumenturik gehitu dezakezu?

Webgune honen edukiak zuzendu edo gehitu nahi badituzu gurekin harremanetan jar zaitezke. Proiektu hau zure laguntza gabe ezinezkoa izango litzateke.

Harremana